जोकोभिचलाई अस्ट्रेलियन ओपनको उपाधि

काठमाडौं। विश्व नम्बर एक नोभाक जोकोभिचले अस्ट्रेलियन ओपनको उपाधि जितेका छन्। सर्बियाका जोकोभिचले मेलबर्नमा उपाधि जितेको यो नवौं पटक हो।

जोकोभिचले जितका लागि एक घण्टा ५३ मिनेट समय खर्चिएका थिए। सर्दियाका जोकोभिचले २५ वर्षीय मेदभेदेभलाई ७-५, ६-२, ६-२ को सेटमा पराजित गरेका हुन्।

जोकोभिचको यो १८औं ग्राण्ड स्लाम उपाधि हो। अब जोकोभिच राफेल नाडाल र रोजर फेडेररभन्दा दुई उपाधिले मात्र पछाडि छन्। नाडाल र फेडेरर दुवैले समान २० वटा ग्राण्ड स्लाम उपाधि जितेका छन्।

जोकोभिच पुरूषतर्फ सबैभन्दा धेरै अस्ट्रेलियन ओपन जित्‍ने खेलाडी बन्‍न सफल भएका छन्। उनले यसअघि २००८, २०११, २०१२, २०१३, २०१५, २०१६, २०१९, २०२० मा अस्ट्रेलियन ओपनको उपाधि जितेका थिए।

ads

ads