कारभन्दा महँगो मोटरसाइकल र स्कुटर यामाहाले नेपाली बजारमा ल्याउने

यामाहाको लागि नेपालको आधिकारिक वितरक मोरङ अटो वर्क्स (एमएडब्लु) इन्टरप्राइजेजले कारभन्दा महँगो मोटरसाइकल र स्कुटर नेपाली बजारमा ल्याउने भएको छ।

कम्पनीले योबारे आफ्ना डिलरहरूलाई अधिकतम खुद्रा मूल्य सहितको पत्रसमेत पठाइसकेको छ। एमएडब्लुले एउटा बिग स्कुटर र ३ ओटा बिग बाइक ल्याउन लागेको हो। जसअनुसार वाइजेडएफ आर ६ मोटरसाइकल, टि–म्याक्स स्कुटर, एमटी–०९ मोटरसाइकल, र बोल्ट मोटरसाइकल नेपाली बजारमा आउनेछ।

कम्पनीले ६०० सिसिको वाइजेडएफ आर ६ को मूल्य ३९ लाख ९९ हजार, ५६० सिसिको टि–म्याक्स स्कुटर, ८५० सिसिको एमटी–०९ मोटरसाइकल र ९५० सिसिको बोल्ट मोटरसाइकलको ३४ लाख ९९ हजार निर्धारण गरेको छ। एमएडब्लुले नेपालमा बिग बाइक सिरिज पहिलो पटक ल्याउन लागेको भए पनि विश्व बजारमा पहिल्यैदेखि नै उसको उपस्थिति छ।

ads

ads