कोशी अस्पतालले भर्ना नलिँदा एम्बुलेन्समै बिरामीको मृत्यु

१० साउन, विराटनगर । कोशी अस्पताल विराटनगरको इमरजेन्सी वार्ड अगाडि एम्बुलेन्समै ज्यान गुमाएका युवकको कोरोना परीक्षण रिपोर्ट नेगेटिभ आएको छ ।

विराटनगरका ठूला अस्पतालको लापरबाहीका कारण उपचार नपाएर एम्बुलेन्सभित्रै मृत्यु भएका उदयपुरको कटारी नगरपालिका–५ का २३ वर्षीय पदम राईको कोरोना रिपोर्ट नेगेटिभ आएको हो ।

कोशी अस्पतालले भर्ना नलिँदा एम्बुलेन्समै बिरामीको मृत्यु

कोरोना भाइरसको संक्रमणको आशंका गर्दै विराटनगरको नोबेल र कोशी अस्पतालले भर्ना गरेका थिएनन् । अस्पतालले भर्ना नगर्दा एम्बुलेन्सभित्रै शुक्रबार दिउँसो साढे ३ बजे राईको मृत्यु भएको थियो ।

कोशी अस्पतालमा परीक्षण गर्दा युवकमा कोरोना नेगेटिभ देखिएको अस्पतालका मेडिकल सुपरिटेन्डेन्ट डा. चुुमनलाल दासले जानकारी दिए । रिपोर्ट नेगेटिभ आएपछि शव शनिबार बिहान परिवारका सदस्यलाई बुझाइएको छ ।

ads

ads